Отправлено: 24.12.14 03:11. Заголовок: Дорогі и честовані русины и русинкы! Вітаєме вас из наступающыма празниками Рожденства Христова

Всіх подкарпатськых русинов, дома и по вшиткому світі, поздоровляєме из наступающыма празниками Рожденства Христова, Нового Года и Богоявленія!
Дорогі и честовані русины и русинкы!
Вот и завершуєся и 2014 год! Сей год є 1151 годом од начала місіонерськой місіи святых Кирилла и Мефодія на землях Карпатськой Руси, Великой Моравіи и Болгаріи! Одтовды мы, русины, єдні из первых народов у Європі достали сьме свою Письменность, а из ним и кристально чистоє Візантійськоє православноє християнство. Через много століть позад нашого славяно-русинського языка лишь начнут формуватися, на матрици латинського языка, будущі європейські языкы: італіянськый, німецькый, французськый, англійськый и другі. Но днеська нико из них не розуміє латиніку так близько, як мы, русины, розумієме свой древнійшый славяно-русинськый церковный язык од часів Кирилла и Мефодія.
Бог благословив нам, русинам, выжити при всіх пережых державах ци імперіях, и, при сёму, унікально сохранити свой язык, віру, духовно-національні традиціи, дух Христов, будучи живым звеном межи Візантією и Києвом при князёви Владимирови, котрому наші русины помагали крестити києвськых полян-язычников, приносивших до самих днів крещенія людські жертвы.
Русины посіяли зерна благочестія и віры и по всій святій Руси, аж до Аляскы и Америкы, де наш земляк и святый Церкви преподобный Алексій Товт присоединив масу русинов до Церкви Христовой, а преподобный Алексій Карпаторуськый возродив духовно и цілу Карпатську Русь, частина якой сформовалася в 1919 годі в республіку Подкарпатська Русь в составі федеративной Чехо-Словакіи, признану межинародным правом и до днеська.
Радуємеся, же русины были и опсталися мирным и благодатным народом, якый не хоче ни из кым конфлікта. И днеська най Бог, новорожденный Богомладенец и Господь Спаситель Іисус Христос, поблагословит всіх нас радостію, благодатію и мирною будущностію.
Христос Раждаєтся Русины! Славите Ёго!