Отправлено: 07.01.14 16:05. Заголовок: Чому русины подкарпатські так и не стали украйинцями!?

ИВАН РУСИН. Чому русины подкарпатські так и не стали украйинцями!?
Не треба пак доказовати же Русины - не простый народ, а файтошный! Бо каждый схопный, рендешный, ипный, воляшный русин фест паранно сокотит честь свого рода и фамиліи, и ни за які пінязі файту не міняют. Та пак ото и невозможно! И тко бы ся из розумных русинов так ся опустив, обы лишив свої файты ци свого унікального оригінального языка. Слабакы (типа балег, чучок, піпашів, фезекошів, пупсиків и проча приходьська мушка) переписовалися в угоду власти, обы ся вписати в єї герої. Завто они были при мадярах мадяроны, пре чехах "чесі". Уже позад 1946 года русины при СССР в Словакіїї - русины мусили стати соціалістичныма словацькыма українцями, в УССР - поголовно ги радянські українці... Иншак - пакуйся в соцконцлагер! Очам видно аж бы попали йсі семикужникы-метаморфозникы блідо-русины под Румынію, ТО из слинов у пыскови доказовали бы же они... споконвічні румыны, бо и віковічно, из часів даків, чекали румунську власть. На щастя, такое "нещастя" в русинов у меншинстві! Но и днеська именно такі грибкы-приспособленці и слаборусинська пліснь, докус ГРАНТО-цицьку уссуть каждодневно и мусять на сайтах пак казати, ци пак, писати так, ги вражый пан казали, што долляры плісни дали. Но пліснява не має будущности!