Отправлено: 25.07.14 17:05. Заголовок: Пѣніє Соловя́ и ква́каніє ЖАБ!

А.В. Басня
Пѣніє Соловя́ и ква́каніє ЖАБ!
(По мотивам басні А. Духовича «Соловѣй»).
Голосный Соловей веснôв в зеленых лугах прелѣстно спѣвав, и так прекрасно наперав золотым горлышком-гыртанков, что и всѣ хащожи́телѣ, знали и спізнавали, як и де пасти зелену траву и удкіть пити лишь здорову воду, и лишь из чистого источника-кирниці!
Най паче же и молодый пастушок увеселявся художественным тѣм согласієм звукôв и, будучи плѣненый уже прелѣстными голосами дубравнаго пѣвця, цѣлі но́чи мирно спочива́в, восторженый душею, и чувством єдинства из высшôв правдôв соловія. Каждый кто слухав правдивость соловія, тот, як бы для єдиного соловія жив, возвышенно себе держав, а всѣ другія низменныя злобныя потѣхы презирав.
Но, раз лишь, в єден час, пасту-шок не услышав сладкаго пѣвца, а пак минула и недѣля и годы́, и не чути было ни єдно́го ёго живительного спѣва. Пастушок примітив, же и другі ся пастушкы встревожили. Ба что ся стало?
Тайноє общество жаб-коропань, 20 годôв ночами запущали в озеро свойих жаб квакарёк, котрі по ночам стали дурити всѣх новым спѣванём и хащожителі, очаре́нніи, (од гл.чари́ти - ворожити) сим ква́керськым спѣвом, прислухо́вовалися ёго пѣнію и стали пома́лы забывати правдивый голос соловія. А пак жабы, розплодившись, організовано выйшли из боло́та и заповнили мѣсто соловія.
Засмутився из другыма пастушок, бо кваканя жаб наводнило на них страх, неувѣренность и ужас, лишивши спокою и по ночам. И став пастушок глядати по зеленой о́бôчи прия́тного сво́ёго соловія, но ёго многі одговорёвали од того, посылаючися на опасность од яда жаб-коропань. Коли пастушок и ёго сторонникы стали глядати по Верховинѣ по родным горам и зворам родного всѣм соловія, то «по галі» в долині началося возвышати кваканіє жаб, котроє предлагало необходимость замѣны старого правдивого красного голоса соловія на жаберинноє ква́каня, а имня́ соловям замѣнити на имня́ «жабы». Но навязанноє свыше «по гали» кваканіє нияк не радовало хащожителѣв и пастушка, а лишь їх щи бôльше страшило и унижало. Накониць, найшов пастушок соловя в темной гу́щавѣ ха́щи в рốщи, причому, нѣмого, безсловного из завязаным дзьобом! Вопросив ёго пастушок о здравіи ёго, розвязавши му дзьоб, и рек: О, любезный пѣвчику, любе́зноє потятко! Ты честь, слава, красота, благородноє пѣніє и знаменитость нашых гор и лугôв! Что ся стало з тобôв? Зашто ты молчиш, и од чого сь занѣмів? Ци ты болѣєш, ци ся бойиш?
Ой, друже, ой, любезный, сей гущавы сожителю, - дав голос соловѣй! Я, не болен, дзьовбати можу, но пѣти бôльше не маю права. Бо замѣсть мене, поклали коропа́ні на моє мѣ́сто всякых свойих жаб, котрі ся стали уже надрывати,игромкымкриком переберати «по гали» мой милый согласныйправдивый тон, чым заглушили и запаморочили всѣм умы́. Жабы свойима кряками-кваками так задурили хащожителѣв, что они уже кваканіє жаб помѣняли на пѣніє соловія и под кваканіє жаб перестали пасти зелену травичку, начали пасти саш, плевелы и псячку, та й мусят куповати од жаб лѣкы в болотѣ їх гнилоє жабириня, и пити зелену воду из багна в болотѣ, лишившись права питія из чистых кирниць!
Брато́ве и сватове памнятайте! Гдѣ жабы-брехачкы при довжности квакают, там правдѣ соловія не є мѣ́ста. Докі, по приказу главных жаб-коропань, комары-сомары лѣтают и никают, обы нико не слухав правду соловія и чисту правдиву воду нигда не пив, доты гниль будете їсти и жаберинську зелену воду пити.
Но скоро задує вихор горный и здує череватых жаб-коропань, а пастушкы з хащожителями на́ново будут слухати правду од своёго горного соловія и пити чисту живу воду.