Отправлено: 31.07.13 11:00. Заголовок: Резолюція (русинськый язык) Межинародной научно-практичной конференціи: «1150-літіє крещенія

Резолюція (русинськый язык)
Межинародной научно-практичной конференціи на тему:
«1150-літіє крещенія Карпатськой Руси в контексті юбілея 1025-літія крещенія Києвськой Руси» (в г. Ужгороді 27 юлія 2013 г.)

Заслухавши и обсудивши доклады и выступленія участников, а также рішеніє конференціи в г. Свалява од 20 юлія 2013 года, учасникы приняли слідующоє рішеніє:
1. Одмітити, же начало крещенія Карпатськой Руси из 863 года стало опреділяющым збытієм и рішающым фактором цивилізаційного выбора русинов центральной Європы. В результаті чого появилися на карті Європы «Мархіа Рутенорум» (Русинська Марка, 11 вік), и (согласно тексту межинародного договора од 10 септембра 1919 года в Сен-Жермені) «автономна територія русинов на юг од Карпат», котра преобразовалася в 1919 годі в русинську національну республіку Подкарпатська Русь, в составі федеративной Чехословакіи (из 1938 года).
2. Через 125 літ крещенні русины, болгары и македонці, схосновавши подготовлені нима тысячі переводов богослужебных книг из гречеського на славяно-руськый язык, приняли участь в подготовці, просвіщеніи и крещеніи києвськых полян Древнёй Руси (из центрами в Києві и Новгороді), именуємой из 19 віка ученыма условным терміном «Києвська» Русь.
3. Повсемісноє крещеніє Карпатськой Руси в формі восточного візантійського обряда потребовало созданіє алфавіта, славянськой письменности, формованя християнськой культуры, русинського самосознанія, деревляного храмостройительства, котрі поспособствовали становленю русинського государство-образующого народа и європейськой націи русинов, формованю ними в 19 и 20 віці своєй русинськой государственности в 1919 году, што ся звершило раньше созданія СССР (1922 г.) и УССР (1924 г.).
4. Днеська задача русинського народа под Карпатами (не путати нас из народом за Карпатами), присокотившогося компактно в районі Верхнёго Потисія - приняти, сохраняти, приумножати и передати будущым поколіням подкарпатськых русинов духовно-національноє богатство єдного из самых древньых народов Європы - РУСИНОВ.
5. Рекомендовати церквам візантійського обряда на територіи історичной Карпатськой Руси святочно сохраняти святый язык Кирила и Мефодія в богослуженіи, а русинськый язык неперемінно хосновати в проповідях и наставленіях.
6. Возстановити изученіє церковно-славянського и русинського языков в школах, гімназіях и высших учебных заведеніях Закарпаття-Подкарпатськой Руси.
7. Завірити, же нарушені права русинов в Украйині рано ци пузно станут обєктом розслідованя межинародной общественности, а правда русинського народа на ёго русинськой земли неперемінно возторжествує.
8. Просити Верховну Раду Украйины, учитуючи рішеня Закарпатськой облрады од 7 марта 2007 года и Закон Украйины, предоставившого русинському языкови статус регіонального, возстановити статус русинського народа на государственному уровнёви, а КАБМІНу - одмінити злочинный «Планы мероприятій» по етно ліквідаціи русинськой національности од 1996 года. Ввести національность «русины» в реєстр національностей и придати им одповідный код. Ввести йсі дані в переписный лист для обєктивной и правдивой переписи населеня в Закарпаттю. Выразити жаль, же Києв 20 літ на государственному уровнёви чомусь препятствує обєктивной переписи в Закарпаттю.
9. Выразити жаль провокаційнуй заяві лемков-украинцюв, (http://maidanua.org/2013/07/zayava-svitovoji-federatsiji-ukrajinskyh-lemkivskyh-objednan/) призвавших публічно до межинаціональной вражды, и призвавших власти и СБУ начати новый преступный виток репресій и судовых переслідовань против мирного народа русинов Закарпаття.
10. Констатовати, же т. н. «12 всемірный конгрес русинов», як и передвбачалося, уявився маргінальным, не принявшым конкретной и обєктивной резолюціи, котра бы призвала власти Украйины прекратити 22 літньый етноцид, дискримінацію, насильственну ассиміляцію, што мають явні признакы геноцида русинського народа. Фінансованя, организація культурной програмы «12-тому конгресу», пак и само «привітання” именно сёму «конгресови» од Закарпатськой держдміністраціи од имени украйинськой влады, што 22 годы не признає, (и не збиратся признавати) русинську національность, доказує недостойный честных русинов, явный зговор кучкы маргінальных русинов из властями.
11. Опубліковати резолюцію в ЗМІ и розослати по адресам: Верховна Рада Украйины, Президенту Украйины, ОБСЄ, ООН (ЮНЕСКО, в Комітет по ликвідаціи расовой дискримінаціи).


Президія конференціи: М. Лаурук, Є.Жупан, Д. Сидор.

Секретарь: Марія Ярчич, Б.Ю. Лакатош.