Отправлено: 17.10.09 19:36. Заголовок: Обращеніє ид Закарпатськуй обласнуй раді конференціи «90-літіє Сен-Жермена»

10.10.2009

Обращеніє ид Закарпатськуй обласнуй раді од Межинародной конференціи «90-літіє Сен-Жермена»
Честовані депутаты! Позвольте нам вітати вас и в вашому лиці жителів Закарпаття, из якых коло 800 тисяч – се містні люде – етнічні русины, які живут од віка на своюй національнуй автономнуй «територіи русинов на юг од Карпат».

Русины одпразновали в 2008 г. 90-літіє русинськой автономіи (од 1918 г.), и довірили Вам судьбу автономіи Закарпатя-Подкарпатськой Руси в складі Украйины, законно реалізовати результаты референдума 1 децембра 1991 г. из уведеням їх у Конституцію Украйины. Но пак украйинська влада «18 літ ламала» нашых народных обранцюв, обы они не посміли проголосити автономію Закарпаття «в складі Украйины». Се мусив быв зробити Другый Європейськый Конгрес Подкарпатськых Русинов 25 октовбра 2008 г. в Мукачеві, позад 18 літньых тотальных нарушеній украйинськов владов прав и свобод русинов.

10 септембра 2009 г. сповнилося 90 літ из того дня, коли быв заключеный Сен-Жерменськый мирный договор. Тогды русинська політична нація, приобрівша 21 децембра 1918 г. статус автономной Республікы в составі Мадярщины, перейшла из неї свободно в состав Чехословакіи, на правах майширокой автономіи, што закріплено в Конституціи ЧСР 1920 г. Про се говорилося 10 септембра в г. Ужгороді на научной конференціи по случаю 90-літія спомнянутого договора.

Затым, в 1938 г. мало місто розчленованя Гітлером Чехословакіи, што привело и дo нарушенію русинськой державности в марті 1939 г. А позад войны, 29 юнія 1945 г. – по вині Прагы мало місто незаконноє присоєдиненіє Подкарпатськой Руси уже из новым имeнoм «Закарпатська Украйина» дo СССР. А щи пузніше, уже в мирный час, сталася для нас нова трагедія: большевицька УССР стала агресором, котра анексовала 22 януара 1946 г. русинську державу Подкарпатську Русь, перетворивши єї незаконно в свою Закарпатську область. Позад ухода-розвала СССР-УССР, котрі окуповали и анексовали русинську державу, права автономной Республікы Подкарпатська Русь возобновилися. Но, замість провозглашенія свойої державности, русины помогли украйинцям создати общу державу (украйинцюв и русинов), из условієм возсозданія довоєнного статуса русинськой автономіи, што убідительно зафіксовано в результатах референдума 1децембра 1991 г.: 92% – за созданіє Украйины и 78% – за возстановленя статуса автономіи в форматі «Закарпатя – спеціальна самоврядна територія и як субєкт (а не просто область) в составі Украйины…».

Но украйинскі власти 18 літ предательски игноруют права русинського народа и його законного автономного статуса путьом насильственой асиміляціи, етноцида, судебных репресій, дискримінаціи, котрі мают признакы явного геноцида русинськой націи.

Русины хотят жити в составі Украйины, но лем из автономным статусом, а на днеська їм подписаный Києвом и Львовом «приговор смерти» русинськой нации у такому духови, же русинoв не є и не буде, а ко русин, тот є недорозвитый украйинец, авать агент Вашингтона ци Москвы».

Русины намірены и дальше жити мирно из сусідами Словакійов, Польшов, Мадярщинов Румынійов. Они желают возстановленый на момент ухода СССР свуй довоєнный статус автономной Республікы законно одстояти при участи ЄС, США и правонаслідников договора од 29 юнія 1945 г. – Російськой Федераціи и Чеськой Республікы. И хотя вонка днесь не 30-ті годы, но именно антирусинські фашизм и сталінізм назад реанімовані в Украйині.

Мы просиме вас, честовані депутаты, признати право русинськой націи, в составі Украйины, мирно одстойовати свуй законный довоєнный статус Республікы Подкарпатська Русь, нарушеного Гітлером, Сталіным, Бенешом и Верховнов Радов УССР, а днесь – Украйинов.

Од имени учасников научной конференціи:

Голова Сойма Подкарпатськых Русинов
прот. Димитрій Сидор

Председатель Закарпатського народного
обєдиненія «Субкарпатія»
Никола Бурак

Председатель Закарпатського обласного
обєдиненія «Русинська Родина»
Василій Лендєл

Председатель Закарпатського обласного
Общества подкарпатськых русинов
Ладислав Лецович

Председатель Закарпатського крайoвого
Общества русинов
Богдан Лакатош

 Отправлено: 23.10.09 21:59. Заголовок: Mykulin toze mudk...

Mykulin toze mudk.